Тошкент, Ўзбекистон (UzDaily.uz) — Бухоро вилоятининг бир нечта ҳудудларида зарарли чигирткаларининг тарқалиши қайд этилди. Бу ҳақда Ўзбекистон Республикаси Фавқулодда вазиятлар вазирлиги матбуот хизмати хабар берди.

Фавқулодда вазиятлар вазирлигининг Бухоро вилояти бўйича бош бошқармасига чигирткалар пайдо бўлгани ҳақида сигнал келиб тушди. Хабар юзасидан бошқарма ходимлари, Ўсимликлар карантини ва ҳимояси агентлиги мутахассислари ҳамда бошқа ҳамкор ташкилотлар вакиллари воқеа жойига чиқишди.

Зарар кўрган ҳудудларда қишлоқ хўжалигига оид ерлар тезда қайта ишланди – 15 та махсус техника ёрдамида кимёвий пуркаш ишлари олиб борилди.

Ҳозирда вилоят ҳудудида зарарли чигирткалар билан боғлиқ вазият ФВДқТ хизматлари томонидан тўлиқ назоратга олинган.