Тошкент, Ўзбекистон (UzDaily.uz) — Жорий йилнинг 28 январь куни Буюк Британиянинг “Standard Chartered” банкининг Бош ижрочи директори Саиф Малик ҳамда Ўзбекистон Республикаси Бош вазири ўринбосари – Иқтисодиёт ва молия вазири Жамшид Қўчқоров ўртасида учрашув бўлиб ўтди.

“Standard Chartered” банки глобал банклардан бири боълиб, дунёнинг 60 дан ортиқ мамлакатида фаолият юритади ҳамда ривожланаётган бозорлар сифатида Осиё, Африка ва Яқин Шарг бозорларига асосий эътибор қаратади. Банк, асосан, савдо ва инвестициялар, корпоратив ва хусусий банк хизматларини коърсатади.

Шунингдек, банк яшил облигациялар чиқариш ва экологик лойиҳаларни молиялаштириш билан шугъулланади ҳамда таълим ва иқтисодий ривожланишни қоъллаб-қувватлаш дастурларида иштирок этади.

Мулоқот давомида томонлар инфратузилма лойиҳаларини кенгайтириш, электр тармоқлари тизимини модернизация қилишдаги асосий йўналишлар, давлат-хусусий шериклик дастурлари асосида амалга оширилаётган лойиҳалар, давлат иштирокидаги корхоналарнинг трансформация жараёнлари, молиявий бозорлардаги тенденциялар, Ўзбекистон банклари билан ҳамкорлик ҳамда кичик ва ўрта тадбиркорлик субъектлари ва қишлоқ хўжалигини ривожлантиришда банкларнинг аҳамияти юзасидан муҳокамалар олиб борди.

Шунингдек, муҳокамалар давомида томонлар энергетика соҳасини ривожлантириш, хусусан, яшил энергия ишлаб чиқариш ва қайта тикланувчи энергия манбаларидан фойдаланишни кенгайтириш орқали энергия самарадорликни ошириш, яшил иқтисодиётни ривожлантириш ва яшил ўсишни таъминлаш ҳамда IT соҳасини ривожлантириш юзасидан фикр алмашди.

Музокаралар якунида томонлар ўзаро ҳамкорлик алоқаларини ривожлантириш ва мустаҳкамлаш ҳамда фикрлар алмашинуви жараёнларини кенгайтиришга келишиб олди.