Бўстонлиқ туманида тиёншон қўнғир айиғи ўлик ҳолда топилди

Тошкент, Ўзбекистон (UzDaily.uz) — Тошкент вилоятининг Бўстонлиқ туманида ижтимоий тармоқларда хабар қилинган қўнғир айиқнинг ўлими тасдиқланди.

Ҳудудий экология бошқармаси маълумотича, воқеа жойига туман экология бўлими мутахассислари ва Бурчмулла давлат ўрмон хўжалиги ходимлари чиқишган.

Текширув натижасида маълум бўлишича, тиёншон қўнғир айиғига мансуб жонзот «Қораңгӣ-тўқай» ўрмон хўжалигининг «Чулоқмерган» участкасида ҳалок бўлган. Дастлабки маълумотларга кўра, айиқ тахминан 70–80 метр баландликдан жар ёқасидан ағдарилиб тушган.

Айиқнинг жасади экспертиза якунига қадар вақтинча Бурчмулла ўрмон хўжалигида сақланмоқда.

Натижалар олингандан сўнг мутахассислар воқеага ҳуқуқий баҳо беришади.