Тошкент, Ўзбекистон (UzDaily.uz) — Криптовалюта биржаси Binance вақтинчалик равишда Ўзбекистон фойдаланувчилари учун P2P-алмашув функциясини тўхтатди.

2025 йил 26 майдан, соат 19:00 (UTC) дан бошлаб, Binance P2P платформасида ўзбек сўми (UZS) ҳамда қуйидаги савдо жуфтликлари бўйича операциялар тўхтатилди:
USDT/UZS, USDC/UZS, BTC/UZS, FDUSD/UZS, BNB/UZS ва ETH/UZS.

Бир неча вақтдан сўнг, мазкур жуфтликлар ўчирилгандан кейин, миллий валютада операцияларни HUMO тўлов тизимини қўллаб-қувватловчи фиат каналлари орқали қайта тиклаш режалаштирилган.

Эслатиб ўтамиз, жорий йилнинг январидан бошлаб, Ўзбекистон резидентлари coinpay.uz/binance ҳамкорлик платформаси орқали Binance хизматларидан расман фойдаланиш имконига эга бўлишди. Ушбу сервис орқали амалга ошириладиган барча транзакциялар тўлиқ қонуний ва ишончли ҳимояланган ҳисобланади.