Беларус делегацияси Ўзбекистонда электротехника соҳасини ривожлантириш масалаларини муҳокама қилди

Тошкент, Ўзбекистон (UzDaily.uz) — Ўзбекистон Республикасидаги Беларус Республикасининг Фавқулодда ва Мухтор Элчиси Александр Сергеевич Огородников бошчилигидаги Беларус ишбилармон доира вакиллари ҳамда расмий шахслар «Ўзелтехсаноат» уюшмасига ташриф буюрди.

Ташриф доирасида уюшма раиси Мирзиёд Юнусов билан учрашув бўлиб ўтди. Унда икки мамлакат ўртасида электротехника саноати йўналишида ҳамкорликни янада ривожлантириш, мавжуд лойиҳаларни жадаллаштириш ҳамда истиқболли йўналишларни аниқлаш масалалари муҳокама қилинди.

Шунингдек, делегация томонидан TEXNOPARK, Artel и Foton корхоналарига ташрифлар амалга оширилиб, ишлаб чиқариш жараёнлари ҳамда ўзаро ҳамкорлик имкониятлари билан яқиндан танишилди.

Бундан ташқари, меҳмонлар Турин политехника институти ҳамда Физика-техника институти фаолияти билан танишиб, электротехника соҳаси учун малакали кадрлар тайёрлаш борасидаги ҳамкорлик истиқболлари юзасидан фикр алмашдилар.

Томонлар ўзаро ҳамкорликни кенгайтириш бўйича мавжуд имкониятларни амалга ошириш ҳамкорликда ишлашга келишдилар.