Бахтиёр Саидов Покистон ташқи ишлар вазири билан Афғонистондаги вазиятни муҳокама қилди

Тошкент, Ўзбекистон (UzDaily.uz) — 28 февраль куни Ўзбекистон Республикаси ташқи ишлар вазири Бахтиёр Саидов Бош вазир ўринбосари, ташқи ишлар вазири ва Покистон сенатори Муҳаммад Ишоқ Дар билан телефон орқали суҳбатлашди.

Ўзбекистон Ташқи ишлар вазирлиги маълумотларига кўра, суҳбат давомида томонлар Покистон ва Афғонистон ўртасидаги муносабатлардаги сўнгги ўзгаришларни муҳокама қилишди.

Чегара минтақасида ўзини тутиш ва кескинликнинг янада кучайишига йўл қўймаслик муҳимлиги таъкидланди.

Суҳбатдошлар минтақада кескинликни камайтириш ва ўзаро ишонч муҳитини шакллантиришнинг асосий воситалари сифатида барқарор сиёсий мулоқот ва ишончни мустаҳкамлаш чораларини қўллаб-қувватлаш муҳимлигини таъкидладилар.