Баҳодир Жалолов IBA.PRO турнирида россиялик Кудухов устидан қийин ғалабага эришди

Тошкент, Ўзбекистон (UzDaily.uz) — 6 октябрь куни икки карра Олимпияда чемпиони, ўзбекистонлик Баҳодир Жалолов Санкт-Петербург шаҳрида бўлиб ўтган IBA.PRO 10 турнирида муваффақиятли иштирок этди.

Супероғир вазн тоифасида Жалолов россиялик боксчи Виталий Кудухов (7–3, 3 КО) билан рингга чиқди.

Саккиз раундга мўлжалланган жанг тўлиқ масофага чўзилди ва натижада ўзбекистонлик спортчи ҳакамлар якдил қарори билан мураккаб ғалабага эришди.

Бу ғалаба Жалоловнинг профессионал карьерасидаги 16-чи ютуғи бўлди.

Эслатиб ўтамиз, у сўнгги жангини 5 апрель куни Остона шаҳрида ўтказган эди. Ўшанда ҳам у ҳакамлар якдил қарори билан украиналик Игорь Шевадзутскийни (12–3, 10 КО) мағлуб этган эди.