Тошкент, Ўзбекистон (UzDaily.uz) — «Ўзметкомбинат» акциядорлик жамияти Кузатув кенгаши янги бошқарув раиси вазифасини бажарувчи — корхона бош директори тайинланди.

Баҳодир Абдуллаев «Ўзметкомбинат» акциядорлик жамияти бошқаруви раиси вазифасини бажарувчиси этиб тайинланди, деб хабар бермоқда Савдо-саноат палатаси матбуот хизмати.

Наманганлик тадбиркор Абдуллаев 2024 йил октябрь ойида «Ўзметкомбинат»га раҳбарлик қилган Дилшод Аҳмедов ўрнини эгаллади.

Аввалроқ Аҳмедов корхона бошқаруви раисининг биринчи ўринбосари — ижрочи директор лавозимида ишлаган, 2024 йил январь ойида эса инвестициялар, саноат ва савдо вазири ўринбосари этиб тайинланган, хусусан, «Ўзметкомбинат» АК ривожланишини назорат қилган.