«Автосаноат инвест» ва «Ипотека-банк» автомобиль ижараси ва лизинги бўйича қўшма корхона ташкил этди

Тошкент, Ўзбекистон (UzDaily.uz) — Ўзбекистонда автотранспортни ижарага бериш ва лизинг соҳасида янги қўшма корхона ташкил этилди.

2025 йил 11 ноябрда «OTP Avtosanoat Finance» МЧЖ (СТИР 312566261) 60,07 млрд сўм устав капитали билан рўйхатдан ўтказилди.

Компания муассислари сифатида «Ўзавтосаноат» таркибига кирувчи ва 51 фоиз улушга эга «Автосаноат инвест» ҳамда Венгриянинг OTP гуруҳига кирувчи, 49 фоиз улушга эга «Ипотека-банк» иштирок этмоқда. Янги шўъба корхона раҳбари этиб Саиджон Кодиров тайинланди.

Компания давлатга қарашли «Ўзавтосаноат» АЖ бош офиси манзилида рўйхатдан ўтган бўлиб, автомобилларни ижарага бериш ва лизинг схемалари асосида хизмат кўрсатиш фаолияти билан шуғулланади.