Автомобиль транспорти Ўзбекистонда транспорт хизматларининг ярмини таъминламоқда

Тошкент, Ўзбекистон (UzDaily.uz) — Mиллий статистика қўмитаси маълумотларига кўра, 2025 йил январь–сентябрь ойларида Ўзбекистонда транспорт хизматлари ҳажми қарийб 133,6 трлн сўмни ташкил этди.

Бу соҳадаги энг катта улуш автомобиль транспорти ҳиссасига тўғри келди — 50,3 фоиз.

Қолган транспорт турлари қуйидагича тақсимланди: ҳаво транспорти — 15,2 фоиз, қувур транспорти — 11,3 фоиз, темир йўл транспорти — 8,3 фоиз, ёрдамчи транспорт фаолияти — 4,9 фоиз.

Транспорт хизматлари ҳажмининг ўсиши мамлакатда инфратузилма барқарор ривожланаётгани ҳамда аҳоли ва бизнеснинг ҳаракатчанлиги ортаётганини кўрсатмоқда.