Тошкент, Ўзбекистон (UzDaily.uz) — “Ўзсаноатқурилишматериаллари” уюшмасида АҚШнинг “CalCity Industrial Park” компанияси Степан Кюркчу бошчилигидаги делегация вакиллари билан учрашув бўлиб ўтди. Унда “Ўзсаноатқурилишбанк” АТБ, Тоғ-конь саноати ва геология вазирлиги ва уюшма раҳбарияти, соҳа мутахассислари иштирок этишди.

Дастлаб, уюшма бошқарув раиси в.в.б Бахтиёр Бобокулов Ўзбекистон қурилиш материаллари саноатининг ривожланиш истиқболлари, йирик инвестиция лойиҳалари, энергия тежамкор қурилиш материаллари ишлаб чиқариш, халқаро алоқалар, соҳадаги тадбиркорлар фаолияти ҳақида маълумот берди. Шунингдек, учрашув давомида ҳамкорликда инвестиция лойиҳасини амалга ошириш, савдо уйи ва омборларини очиш, хомашё манбалари, геология қидирув ишари бўйича ҳам сўз юритилди.

Мехмонларга Ўзбекистонда каолин ишлаб чиқариш ва уни бойитиш бўйича истиқболли лойиҳалар таклиф этилди.

АҚШ делегацияси Ўзбекистондаги қурилиш материаллари саноатини юқори баҳолаб, ҳамкорлик алоқаларини янада мустаҳкамлаш, экспорт кўламини кенгайтириш, Республикада инвестиция лойиҳасини амалга ошириш, замонавий технологияларини олиб кириш ҳамда тажриба алмашиш бўйича фирк билдиришди. Шу билан бирга янги турдаги қурилиш материаллари сиҳлаб чиқариш бўйича ҳам таклиф билдиришди.

Шу куни ҳар икки томон вакиллари ўзларини қизиқтирган саволларига мутасаддилардан тўлиқ жавоб олишди. Шу билан бирга уюшма билан алоқаларни янада мустаҳкамлаш борасида келишиб олишди.

АҚШ ишбилармон доира вакиллари Бухоро, Қорақалпоғистон Республикарида ҳам бўлишади.

“CalCity Industrial Park” компаниясининг асосий фаолияти каннабис ва саноат канопасини етиштириш, чуқур қайта ишлаш ва уларни янги технологиялар асосида фармацевтика, қишлоқ хўжалиги, текстиль, мебель маҳсулотлари, қурилиш материаллари ишлаб чиқаришда кенг фойдаланишни жорий қилиш ҳисобланади.