АҚШдан 28,6 минг турист Ўзбекистонга ташриф буюрди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йил январь–сентябрь ойлари давомида АҚШнинг 28,6 минг нафар фуқароси туризм ва бошқа мақсадларда Ўзбекистонга ташриф буюрган.

Бу кўрсаткич ўтган йилнинг шу даврига нисбатан 5,2 минг нафарга ёки 22,4 фоизга кўпдир.

Америка фуқароларининг катта қисми мамлакатга туристик мақсадда келган — 23,6 минг нафар.

Бундан ташқари, 2,4 минг киши хизмат сафари билан, 2,1 минг киши қариндошларини зиёрат қилиш учун келган. Шунингдек, 395 нафар киши ўқиш учун, 111 киши ишбилармонлик масалалари бўйича, 11 киши эса тиббий муолажа олиш мақсадида Ўзбекистонга ташриф буюрган.