Валюта курслари 29/08/2025
$1 – 12482.38
UZS – 0.56%
€1 – 14540.72
UZS – 1.07%
₽1 – 155.23
UZS – 0.62%
Қидириш
Иқтисод 09/04/2025 АҚШда Ўзбекистон шоуруми ва савдо омбори ташкил этилди

АҚШда Ўзбекистон шоуруми ва савдо омбори ташкил этилди

Тошкент, Ўзбекистон (UzDaily.uz) — Аввал хабар берганимиздек, АҚШнинг Шарлотта шаҳрида Ўзбекистон делегацияси BUILD-2025 AWCI’S CONVENTION+EXPO халқаро кўргазмасида иштирок этди. Делегация таркибига Савдо-саноат палатаси раиси ўринбосари Ҳалимжон Сафаров кирди.

Ташриф доирасида жорий йил 5 апрель куни АҚШнинг Пенсильвания штати, Филаделфия шаҳрида қурилиш материаллари ишлаб чиқарувчи маҳаллий тадбиркорлар учун шоурум ва савдо омбори ташкил этилди.

Савдо омбори 850 кв метр майдонда жойлашган бўлиб, барча шароитлар эга. Омбор инфаструктураси маҳсулотларни ўсиб бориш тартибида, қаватма-қават жойлаштиришга имкон беради.

Тадбиркорлар учун қўшимча қулайлик яратиш мақсадида савдо омборининг жойлашув манзилини танлашда унинг автомобил ва темир йўллари ва портга яқинлиги инобатга олинди.

Доимий шоурумга Ўзбекистонда ишлаб чиқарилган 60 турдан ортиқ қурилиш материаллари жойлаштирилди.

Очилиш тадбирига АҚШдаги девелоперлар, етказиб берувчилар, логистика компаниялари таклиф этилди.

Тадбир давомида Навоий вилояти Кармана туманида жойлашган “Ecomarble” МЧЖ томонидан ишлаб чиқариладиган пардозбоп тош маҳсулотларини етказиб бериш юзасидан қиймати 10 млн долларлик шартнома имзоланди.

Энг сўнгги янгиликлардан хабардор бўлинг
Телеграм каналимизга обуна бўлинг