Тошкент, Ўзбекистон (UzDaily.uz) — Ўзбекистон Ҳукумати Техник жиҳатдан тартибга солиш агентлиги тузилмасида кадрлар ўзгаришларини амалга оширди.

Вазирлар Маҳкамасининг тегишли қарорига мувофиқ, Ўзбекистон Республикаси Техник жиҳатдан тартибга солиш агентлиги директорининг биринчи ўринбосари лавозимига Ансабхон Закиров тайинланди.

У ушбу тайинловга қадар Агентлик ҳузуридаги «Ўзбекистон аккредитация маркази» давлат муассасаси директори лавозимида фаолият юритган.

Шу билан бирга, агентлик директори биринчи ўринбосари лавозимини аввал эгаллаб турган Абдурауф Абдурашидович Абдуқаюмов Ўзбекистон стандартлар институти директори лавозимига тайинланган.