“Anor bank“ халқаро рейтинг прогнозининг пасайиши фонида фойдасини 135% га оширди

Тошкент, Ўзбекистон (UzDaily.uz) — 2025 йилнинг 9 ой якунларига кўра, “Anor bank“нинг соф фойдаси 235,9 млрд сўмни ташкил этди . Бу кўрсаткич 2024 йилнинг мос давридаги 100,6 млрд сўмга нисбатан 134,6% кўпдир.

Ўсишнинг асосий омили банкнинг фоизли даромадларининг сезиларли ошиши бўлди — улар 1,0 трлндан деярли 2,3 трлн сўмгача ошди (+120,9% й/й). Кредит портфели сентябрь ойи бошида ўтган йилнинг 5,9 трлн сўмига қарши 8,8 трлн сўмга етди. Шу билан бирга, муаммоли кредитлар улуши (NPL) 2,5% дан 4,3% гача кўпайди.

Сентябрь ойи охирида “Fitch Ratingsс“ банкнинг хорижий ва миллий валютадаги узоқ муддатли дефолт рейтинглари (IDR) бўйича прогнозни «Барқарор»дан «Салбий» даражага кўриб чиқди.

Шу билан бирга, IDR рейтинглари «B-» даражасида тасдиқланди — бу спекулятив тоифадаги пастки поғонага тўғри келади ва эҳтимолий дефолтни англатадиган «ССС+» рейтингидан бир поғона юқорироқдир.