Тошкент, Ўзбекистон (UzDaily.uz) — 2025 йил 27 январь куни Anor Bank Тошкент шаҳри, Истиқлол кўчаси, 21-уй манзилида жойлашган биноларни 254,6 млрд сўмга сотиб олди. Бундан аввал бу бинолар Uzbekneftegaz компаниясининг шўъба ташкилоти «NEFT GAZ BINO INSHOAT» балансида бўлган.

Бундан ташқари, 10 январь куни тузилган шартнома асосида Anor Bank Шаҳрисабз кўчаси, 85а манзилида жойлашган ва Uztransgazга тегишли бўлган биноларни 185 млрд сўмга сотиб олди.

Эслатиб ўтамиз, вазирлик ва идоралар босқичма-босқич Янги Тошкентга кўчирилмоқда. Янги шаҳарда вақтинчалик маъмурий биноларнинг қурилиши давом этмоқда, жумладан, тўртта енгил турдаги бинолар ва ёрдамчи иншоотлар барпо этилмоқда.