Air Marakanda Самарқанд – Красноярск тўғридан-тўғри авиақатновини йўлга қўйишини эълон қилди

Тошкент, Ўзбекистон (UzDaily.uz) — 1 апрелдан бошлаб Самарқанд ва Красноярск ўртасида тўғридан-тўғри авиақатнов йўлга қўйилади, деб хабар беради Air Marakanda.

Парвозлар «Урал авиалиниялари» компанияси томонидан ҳафтада бир марта – сешанба кунлари амалга оширилади.

Жадвалга кўра, Красноярскдан учиш маҳаллий вақт билан соат 11:40 да режалаштирилган бўлиб, Самарқандга 13:40 да етиб келади. Қайтиш рейси Самарқанддан 15:00 да йўлга чиқиб, Красноярскка 20:35 да қўнишни режалаштирган.