“Agat Credit“ учинчи облигация эмиссиясини жойлаштиради ва микромолиявий банкка айланади

Тошкент, Ўзбекистон (UzDaily.uz) — 2025 йил 23 октябрь куни “Agat Credit” ММТнинг учинчи облигация эмиссияси давлат рўйхатидан ўтказилди. Компания инвесторларга 40 млрд сўм миқдорида облигацияларни йиллик 27% купон даромади билан таклиф этади.

Қимматли қоғозларнинг муомалада бўлиш муддати — 365 кун, номинал қиймати — 100 000 сўм. Купон тўловлари ҳар ойда амалга оширилади. Жойлаштириш 2025 йил 7 ноябрда бошланади.

Компания учун бу 2025 йилдаги учинчи эмиссия бўлади. Март ойида жойлаштирилган биринчи эмиссия ҳажми 40 млрд сўм бўлиб, даромадлилиги 29% ни ташкил этган. Июль ойида чиқарилган иккинчи эмиссия эса 30 млрд сўм ҳажм ва 28% даромадлилик билан атиги уч соат ичида инвесторлар томонидан тўлиқ сотиб олинган.

Бундан ташқари, 2025 йил 10 октябрь куни акциядорларнинг навбатдан ташқари йиғилишида “Agat Credit” АЖ ММТни “Агат Средит Микромолиявий банки” АЖга айлантириш тўғрисида қарор қабул қилинди. Компания ушбу ўзгариш учун регулятордан рухсат олиш жараёнини бошлаган.

Инвесторлар учун бу — юқори даромад излаётганлар учун жозибадор имконият. ”Agat Credit” облигациялари юқори купон даромади ва бозорда ўзини ишончли эмитент сифатида кўрсатган компаниянинг барқарорлигини ўзида уйғунлаштиради. Облигацияларни 2025 йил 7 ноябрдан бошлаб «Goinvest» иловаси орқали харид қилиш мумкин бўлади.