Афғонистонда содир бўлган зилзиладан кейин Ўзбекистонда ер силкиниши сезилди

Тошкент, Ўзбекистон (UzDaily.uz) — 2025 йил 7 октябрь куни соат 16:35:31 да Афғонистон ҳудудида магнитудаси 5,2 бўлган, чуқурлиги 30 км бўлган зилзила қайд этилди.

Эпицентрнинг координаталари 37,4 N ва 69,93 E бўлган.

Ўзбекистон ҳудудида ер силкиниши 2 балл атрофида бўлиб, эпицентрдан анча узоқда жойлашган қатор ҳудудларда сезилди: Шўрчи тумани — 192 км, Узун тумани — 199 км, Денау тумани — 204 км, Қумқўрғон ва Сариосиё туманлари — 211 км, Олтинсой тумани — 212 км.

Эпицентрдан Тошкентгача бўлган масофа жануби-шарқ йўналишда 434 км ни ташкил этди.