Аброр Атабаев ва Ҳожиакбар Қўчқоров жаҳон чемпионатида совриндор бўлишди

Тошкент, Ўзбекистон (UzDaily.uz) — Сербияда ўтказилаётган спорт курашлари бўйича U23 жаҳон чемпионатида Ўзбекистон терма жамоаси дастлабки медалларини қўлга киритди. Юнон-рум курашчиларимиз Аброр Атабаев ва Ҳожиакбар Қўчқоров мусобақанинг кумуш ҳамда бронза медалига сазовор бўлдилар.

-72 кг вазн тоифасида иштирок этган полвонимиз финал йўлида Хитой, нейтрал мақомда курашган Россия, Грузия ва Қозоғистон вакилларини мағлубиятга учратишга эришди. Бироқ ҳал қилувчи босқичда эронлик рақибига имкониятни бой берди ва дунё биринчилигини иккинчи ўринда якунлади.

-55 кгда курашган Қўчқоров эса чорак финалда озарбайжонлик рақибига имкониятни бой бергач, ўтиш босқичида Хитой, бронза медали учун баҳсда эса Эрон вакилини мағлубиятга учратди.