Абдуқодир Ҳусанов Чемпионлар лигасидаги энг тез футболчилар рейтингида иккинчи ўринни эгаллади

Тошкент, Ўзбекистон (UzDaily.uz) — «Манчестер Сити» ҳимоячиси Абдуқодир Ҳусанов Sofascore сайти маълумотларига кўра Чемпионлар лигасидаги энг тез футболчилар рейтингида иккинчи ўринни эгаллади. Унинг қайд этилган максимал тезлиги соатига 34,7 километрни ташкил этди.

Рейтинг пешқадами сифатида «Реал Мадрид» ҳужумчиси Килиан Мбаппе тан олинди, у соатига 34,9 километр тезлик кўрсатган. Учинчи ўринни Бельгиянинг «Брюгге» клуби футболчиси Карлуш Боржеш эгаллаб, унинг натижаси 34,3 километрни ташкил қилди.

Ҳусановнинг «Манчестер Сити»даги жамоадоши Эрлинг Холанн соатига 34 километр тезлик билан саккизинчи ўриндан жой олди. Турнирдаги энг «секин» футболчи сифатида «Ньюкасл Юнайтед» вакили Энтони Гордон тан олинди, унинг тезлиги 33,9–34 километр атрофида бўлган.

Transfermarkt маълумотларига кўра, 31 январь ҳолатига Абдуқодир Ҳусанов «Манчестер Сити» сафида 27 та учрашувда майдонга тушиб, бирта гол урган. Чемпионлар лигаси саралаш босқичида у жами 425 дақиқа давомида ўйнаган.