Абдукодир Хусанов Осиёнинг энг қимматбаҳо футболчилари қаторига кирди

Тошкент, Ўзбекистон (UzDaily.uz) — Ўзбекистон миллий терма жамоаси ва Англиянинг «Manchester City» клуби ҳимоячиси Абдукодир Хусанов Осиёнинг энг қимматбаҳо футболчилари қаторига кирди. Бу ҳақда футбол статистикаси ва бозор қийматларига ихтисослашган немис портали Transfermarkt хабар берди.

Сўнгги маълумотларга кўра, 21 ёшли футболчининг бозор қиймати 35 миллион евро деб баҳоланган ва бу уни қитъадаги етакчи футболчилар сафидан жой олишига сабаб бўлган.

Октябрь ойида Transfermarkt рейтингини янгилашдан сўнг, «Бавария» ҳимоячиси Ким Мин Жэнинг бозор қиймати 40 миллион евродан 32 миллион еврога тушган, «Брайтон» ярим ҳимоячиси Каору Митоманики эса 40 миллиондан 35 миллион еврога пасайган. Шу тариқа, Хусанов ва Митома бир хил кўрсаткич билан Осиёнинг энг қимматбаҳо футболчилари орасида иккинчи ўринни бўлишиб турибди.

Рейтингда етакчиликни ҳали ҳам япон ҳужумчиси сақлаб турибди, шу билан бирга илк бешликка «Реал Сосьедад»дан Такэфуса Кубо (30 млн евро) ва «Майнц»дан Каису Сано (25 млн евро) ҳам кирди.

Transfermarkt талқини бўйича Осиёнинг энг қиммат 10 футболчиси қуйидагича:

Абдукодир Хусанов («Manchester City») — 35 млн евро

Каору Митома («Brighton») — 35 млн евро

Ким Мин Жэ («Bayern Munich») — 32 млн евро

Такэфуса Кубо («Real Sociedad») — 30 млн евро

Каису Сано («Mainz») — 25 млн евро

Ли Кан Ин («Paris Saint-Germain») — 25 млн евро

Рицу Доан («Freiburg») — 25 млн евро

Зион Судзуки («Parma») — 20 млн евро

Сон Хын Мин («Los Angeles FC») — 20 млн евро

Хироки Ито («Bayern Munich») — 18 млн евро