Абдуғани Камилов “Дори-Дармон” акциядорлик жамияти бошқаруви раиси вазифасини бажарувчи этиб тайинланди

Тошкент, Ўзбекистон (UzDaily.uz) — “Дори-Дармон” акциядорлик жамияти кузатув кенгаши қарорига мувофиқ, Абдуғани Камилов компания бошқаруви раиси вазифасини бажарувчи этиб тайинланди.

Абдуғани Камилов 1981 йили Тошкент шаҳрида туғилган. У 2003 йили Тошкент фармацевтика институтини, 2014 йили эса Ўзбекистон Республикаси Вазирлар Маҳкамаси ҳузуридаги Олий бизнес мактабини тамомлаган.

Камилов 2004 йилдан бери “Дори-Дармон” АЖ тизимида фаолият юритиб келмоқда. У турли масъулиятли лавозимларда ишлаган: сотувлар бўйича менежер, сотув бўлими раҳбари, тижорат ишлари бўйича директор ва бошқарув раиси ўринбосари сифатида иш тажрибасига эга.

21 йиллик касбий фаолияти давомида у компаниянинг ривожланишига катта ҳисса қўшган.