Тошкент, Ўзбекистон (UzDaily.uz) — 24 апрель соат 07:00 дан 30 майга қадар Мирзо Улуғбек туманидаги Ўзбекистон овози кўчасининг Яхё Ғуломов кўчаси билан кесишган чорраҳадан Шаҳрисабз кўчасигача бўлган қисми вақтинча ёпилади. Бу ҳақда туман ҳокимлиги матбуот хизмати хабар берди.

Қайд этилганидек, йўл ҳаракати чекловлари инфратузилмани модернизация қилиш бўйича кенг кўламли ишлар билан боғлиқ.

Лойиҳадан кўзланган мақсад кўчани 24 соат давомида аҳоли эҳтиёжлари ва замонавий шаҳарсозлик талабларига жавоб берадиган жамоат майдонига айлантиришдан иборат.

Туман ҳокимлиги вақтинчалик чекловлар туфайли юзага келган ноқулайликлар учун узр сўради.