Тошкент, Ўзбекистон (UzDaily.uz) — Миллий статистика қўмитаси тақдим этган дастлабки баҳолашга кўра, 2025 йил январ–март ойларида Ўзбекистон Республикаси ялпи ички маҳсулотининг (ЯИМ) шаклланишида энг катта улушни Тошкент шаҳри таъминлаган — унинг улуши мамлакат ЯИМи умумий ҳажмининг 21%ини ташкил этди.

Таъкидлаш жоизки, жорий нархларда Ўзбекистон ЯИМи $25,77 млрд ни ташкил этди, 2024 йилнинг шу даврида эса бу кўрсаткич $22,2 млрд бўлган эди.

Пойтахтдан кейинги иккинчи ва учинчи ўринларда Тошкент вилояти (9,7%) ва Навоий вилояти (9,0%) жой олган.

Ҳудудлар орасида Самарқанд вилояти (6,1%), Фарғона (5,6%) ва Андижон (5,4%) вилоятлари ҳам алоҳида ажралиб туради.

2025 йил январ–март ойларида Ўзбекистон ЯИМи шаклланишида ҳудудлар ҳиссаси қуйидагича тақсимланди:

• Тошкент шаҳри — 21,0%

• Тошкент вилояти — 9,7%

• Навоий вилояти — 9,0%

• Самарқанд вилояти — 6,1%

• Фарғона вилояти — 5,6%

• Андижон вилояти — 5,4%

• Қашқадарё вилояти — 4,8%

• Бухоро вилояти — 4,4%

• Наманган вилояти — 4,1%

• Хоразм вилояти — 3,3%

• Сурхондарё вилояти — 3,1%

• Қорақалпоғистон Республикаси — 2,9%

• Жиззах вилояти — 2,6%

• Сирдарё вилояти — 1,7%