2025 йилда хорижий IT-компаниялар Ўзбекистонда 181,3 млрд сўм солиқ тўлади

Тошкент, Ўзбекистон (UzDaily.uz) — 2025 йилда Ўзбекистонда электрон хизматлар кўрсатувчи хорижий компаниялар давлат бюджетига 181,3 млрд сўм солиқ тўлади. Бу кўрсаткич 2024 йилга нисбатан 50 фоизга юқори. Бу ҳақда Ўзбекистон Республикаси Солиқ қўмитаси хабар берди.

Айни пайтда мамлакатда шундай 78 та хорижий компания фаолият юритмоқда. Тўланган солиқлар ҳажми бўйича етакчи ўнталикка қуйидаги компаниялар кирди: Apple — 49,5 млрд сўм, Meta — 49 млрд сўм, Google — 44,4 млрд сўм, OpenAI — 11,7 млрд сўм, Booking.com — 4,3 млрд сўм, TikTok — 3,5 млрд сўм, Netflix — 1,8 млрд сўм, Acca — 1,6 млрд сўм, Xsolla — 1,5 млрд сўм ва Amazon — 1,4 млрд сўм.

Умуман олганда, 2025 йилда хорижий компаниялар томонидан электрон шаклда кўрсатилган хизматлар қиймати 1 482,3 млрд сўмни ташкил этди. 2024 йилда эса ушбу кўрсаткич 1 003,4 млрд сўм бўлган. Шунга мувофиқ, тўланган солиқлар ҳажми 50 фоизга ошган.

Электрон шаклда хизмат кўрсатувчи хорижий юридик шахслар солиқ ҳисоботларини тақдим этишлари ва солиқларни ҳисобот чораги якунланганидан кейинги ойнинг 20-санасидан кечиктирмай тўлашлари шарт.