Тошкент, Ўзбекистон (UzDaily.uz) — 2025 йилнинг биринчи чорагида Ўзбекистон давлат чегараси орқали ноқонуний олиб ўтишга уриниш пайтида 1 616 та маданий бойлик сифатида тан олинган ашёлар мусодара қилинди.

Маданий мерос агентлиги маълумотларига кўра, мусодара қилинган барча ашёлар бадиий экспертизадан ўтказилган. Уларнинг 126 таси бўйича эксперт хулосалари тайёрланган. Маданий бойликларнинг умумий баҳоси 219,5 миллион сўм этиб белгиланган.

Шу билан бирга, расмий каналлар орқали 258 та экспорт сертификати расмийлаштирилган, бу эса 2 005 та маданий ашёни хорижга қонуний тарзда юбориш имконини берган. Бундан ташқари, 229 та экспонат учун вақтинчалик рухсатнома ҳам берилган.

Шунингдек, «Менинг миллий меросга ҳиссам!» акцияси ҳам давом этмоқда. У доирасида фуқаролар давлатга умумий қиймати 7 миллиард сўмга тенг бўлган 132 та маданий бойликни тақдим этган. Ушбу ашёларни давлат томонидан сотиб олиш тўғрисидаги қарор Бадиий экспертлар кенгаши томонидан қабул қилинади.