Тошкент, Ўзбекистон (UzDaily.uz) — Ўзбекистон Республикасида 2025 йил 1 январь ҳолатига кўра, деярли 7,6 миллионта квартира ва уйлар мавжуд. Бу ҳақда Миллий статистика қўмитаси маълум қилди.

Ўтган йилнинг шу даврига нисбатан турар жойлар сони 92,5 мингтага кўпайган, бу эса 1,2 фоиз ўсишни ташкил этади.

Йиллар кесимида Ўзбекистондаги квартира ва уйлар сони қуйидагича бўлган:

2021 йил — 6,6 миллион;

2022 йил — 7,1 миллион;

2023 йил — 7,3 миллион;

2024 йил — 7,5 миллион;

2025 йил — 7,6 миллион.