Тошкент, Ўзбекистон (UzDaily.uz) — 2024 йилда Ўзбекистон музейларини 4,8 миллион киши зиёрат қилди.

Миллий статистика қўмитаси маълумотларига кўра, 2025 йил 1 январь ҳолатига мамлакатда филиаллари билан бирга 138 та музей фаолият кўрсатган. Зиёратчилар орасида 1,4 миллион нафарини хорижий сайёҳлар ташкил этди.

Энг кўп ташриф буюрилган музейлар қаторидан Самарқанд давлат музей-қўриқхонаси 1 035 325 нафар меҳмон билан биринчи ўринни эгаллади. Регистон ансамбли дирекциясига 908 225 киши ташриф буюрган. Давлат Шон-шараф музейи 656 355 нафар томошабинни қабул қилган. Бухоро давлат музей-қўриқхонаси 489 208 нафар, Ичан-Қалъа давлат музей-қўриқхонаси эса 456 917 нафар меҳмонга хизмат кўрсатди.