131-автобус бензин танқислиги сабабли тўхтади, ҳайдовчи ишдан бўшатилди

 Тошкент, Ўзбекистон (UzDaily.uz) — 131-автобус бензин танқислиги сабабли йўналишнинг ўртасида тўхтади: йўловчилар бошқа транспорт воситаларига ўтказилди ва ёқилғи қуйиш қоидаларини бузган ҳайдовчи ишдан бўшатилди. «Тошшаҳартрансхизмат» АЖ интизом ва йўл ҳаракати хавфсизлигини таъминлашни кучайтиришга ваъда берди.

2025 йил 10 декабрь куни “12-Автобус саройи” филиали тасарруфидаги 131-сонли “Дўстлик-2 мавзеси – Олимпия меҳмонхонаси” йўналишида давлат рақами 01 |803 ЛКА, сарой рақами 114-бўлган “Кинг Лонг” русмумли автобус ҳайдовчиси Абилов Уразали йўналишда жами 228 км масофа босиб ўтиб, корхона ҳудудига соат 20:04 да кириб келган ва автобусни 11 декабрь кунига йўналишга чиқишга шай ҳолатда қолдириб кетган.

11 декабрь куни ҳайдовчи Юнусалиев Фарҳод ўзига бириктирилган давлат рақами 01| 803 ЛКА, сарой рақами 114-бўлган мазкур “Кинг Лонг” русумли автобусда 131-сонли йўналишга корхона ҳудудидан эрталаб соат 06:23да чиққан.

Шу куни соат 17:30 лар атрофида ўз йўналиши бўйлаб ҳаракатланиб кетаётиб, 8чи қатновни амалга ошириб, 166 км масофани босиб ўтган вақтида КХАЙ кўчасида автобус двигатели ишида силтанишлар бошланганлиги сабабли, автобус ҳаракатини тўхтатиб, салон ичида жойлашган маълумотлар панелидаги газ ёқилғиси датчик кўрсаткичи пастга тушиб кетганлиги ҳамда 1 фоизни кўрсатаётганлигини аниқлаган.

Йўловчиларга автобусга ёқилғи қуйиш шохобчасида ёқилғи қуйиш зарурлиги ҳақида дарҳол хабар бериган ва 131-йўналишдаги кейинги автобусга ўтказилди. Ёқилғи қуйиб бўлгач, автобус соат 19:40 да "Массив Дустлик-2" бекатидан йўналишга қайтди.

Тергов шуни кўрсатдики, ҳайдовчи Уразали Абилов автобусга зарур бўлганидан камроқ бензин қуйиб, ўз хизмат вазифаларини бузган.

Натижада йўловчилар ноқулайликларга дуч келишди.

Воқеадан сўнг, филиал ҳайдовчилар ўртасида интизомни мустаҳкамлаш ва йўловчиларга хавфсиз хизмат кўрсатишни таъминлаш мақсадида ички буйруқ доирасида Уразали Абиловнинг меҳнат шартномасини бекор қилишга қарор қилди.

«Тошшаҳартрансхизмат» АЖ йўловчилардан узр сўрайди ва ҳайдовчиларга йўл ҳаракати қоидаларига қатъий риоя қилишни ва эҳтиёткорлик билан ҳайдашни эслатади.