“Semavik” O‘zbekistonda dorixona savdolari bo‘yicha top-10 talikka kirdi

Toshkent, O‘zbekiston (UzDaily.uz) — “Semavik” preparati O‘zbekistonda dorixona savdolari yetakchilari o‘ntaligiga kirdi. FOM Group axborot-savdo maydonchasi maʼlumotlariga ko‘ra, 2026 yil yanvar oyi yakunlari bo‘yicha u mamlakatda retsept bo‘yicha beriladigan dori vositalari savdosi reytingida to‘qqizinchi o‘rinni egalladi.

Preparat GEROFARM kompaniyasi tomonidan ro‘yxatdan o‘tkazilgan bo‘lib, 2025 yil dekabr oyida O‘zbekiston bozoriga chiqarilgan.

Egallangan o‘rin qandli diabet va semirishni davolashda qo‘llaniladigan GPP-1 retseptorlari agonistlari guruhiga mansub preparatlarga bo‘lgan talabning barqaror o‘sishini aks ettiradi.

GEROFARM 2006 yildan beri O‘zbekistonga dori vositalarini eksport qilib kelmoqda. Hozirgi kunda respublikada kompaniyaning besh turdagi insulini, shuningdek nevrologiya va oftalmologiyada qo‘llaniladigan original preparatlari rasman ro‘yxatdan o‘tkazilgan.

Avvalroq RNC Pharma tahliliy kompaniyasi o‘tkazgan tadqiqot Rossiya bozorida “Semavik”ning rekord darajada o‘sish surʼatlarini qayd etgan edi: savdo hajmi 165 foizga oshgan bo‘lib, bu uni farmatsevtika segmentida eng jadal rivojlanayotgan brendga aylantirdi.

DSM Groupning dekabr oyi hisobotiga ko‘ra, preparat Rossiyada barcha dori vositalari orasida dorixona savdolari hajmi bo‘yicha birinchi o‘rinni egallagan.

Olingan ko‘rsatkichlar GEROFARMning ichki va xalqaro bozorlarda talab yuqori bo‘lgan, yuqori samaradorlikka ega preparatlarni ishlab chiqish va ilgari surishga qaratilgan strategik yo‘nalishini tasdiqlaydi.