Raiffeisen Bank O‘zbekiston kapital bozorining «Tartibga solish qumdoni» tizimiga qo‘shildi

Toshkent, O‘zbekiston (UzDaily.uz) — Raiffeisen Bank International AG O‘zbekiston kapital bozoridagi maxsus huquqiy rejimga qo‘shildi, deb xabar berdi Milliy istiqbolli loyihalar agentligi (IMLA) matbuot xizmati.

Bank IMLA tomonidan kapital bozori sohasidagi «Tartibga solish qumdoni» tashabbusining ishtirokchisi sifatida ro‘yxatdan o‘tkazildi. Avstriya banki ushbu tashabbusga qo‘shilgan oltinchi ishtirokchi bo‘ldi.

Maʼlum qilinishicha, Raiffeisen Bank xorijiy nominal saqlovchi sifatida faoliyat yuritadi va mijozlarga O‘zbekiston Respublika valyuta birjasi hamda “Toshkent” Respublika fond birjasi orqali sotib olingan o‘zbek qimmatli qog‘ozlarini saqlash va ular bo‘yicha hisob-kitoblarni amalga oshirish imkoniyatini taqdim etadi.