Paynet’ning sof foydasi 2025 yilning 9 oyida qariyb 60 foizga oshdi

Toshkent, O‘zbekiston (UzDaily.uz) — 2025 yilning 9 oyi yakunlariga ko‘ra “Paynet” AJ sof foydasi 330,5 mlrd so‘mni tashkil etib, bu o‘tgan yilning shu davriga nisbatan 59,2% ko‘pdir.

Sof tushum 55,3%ga o‘sib, 1,2 trlrd so‘mdan oshdi. Choraklik sof foyda yillik ifodada 83,1%ga oshib, 128,8 mlrd so‘mga yetdi.

Tarkibiy ko'rsatkichlar alohida e'tiborga loyiq: Paynet aktivlari yil davomida 177,9% ga o‘sib, 1,4 trillion so‘mga yetdi, kompaniya kapitali esa 356,3% ga ko‘payib, 1,2 trillion so‘mni tashkil etdi.

Taqsimlanmagan foyda 626 milliard so‘mni tashkil etdi, bu esa o‘tgan yilga nisbatan 156,5% ko‘pdir.