O‘zbekistonliklar 9 oy ichida xorijdan 40 mingdan ortiq elektromobil sotib oldilar

Toshkent, O‘zbekiston (UzDaily.uz) — 2025 yilning dastlabki to‘qqiz oyida O‘zbekistonga 16 ta xorijiy mamlakatdan 40 mingdan ortiq elektromobil import qilindi, deb xabar berdi Milliy statistika qo‘mitasi.

Qo‘mita maʼlumotlariga ko‘ra, umumiy yetkazib berish qiymati 473 million AQSH dollarini tashkil etgan.

O‘tgan yilning shu davriga nisbatan import deyarli 2,5 barobarga — 24 140 taga oshgan.

Yetkazib berish hajmi bo‘yicha yetakchilikni Xitoy saqlab qolgan — mamlakatdan 39 798 ta elektromobil keltirilgan. Undan keyingi o‘rinlarda Gonkong — 249 ta, Koreya Respublikasi — 165 ta, Germaniya — 43 ta, AQSH — 25 ta va boshqa davlatlar jami 65 ta elektromobil yetkazib bergan.