O‘zbekistonda “yashil” energiya ishlab chiqarish 40 foizga oshdi

Toshkent, O‘zbekiston (UzDaily.uz) — 2026 yil yanvar—mart oylarida O‘zbekistonda quyosh va shamol elektr stansiyalarida elektr energiyasi ishlab chiqarish sezilarli darajada oshdi.

Umumiy ishlab chiqarish hajmi 2 mlrd 368,2 mln kVt⋅soatni tashkil etib, bu 2025 yilning shu davriga nisbatan 678,1 mln kVt⋅soatga ko‘pdir. O‘sish 40 foizni tashkil qildi.

Umumiy ishlab chiqarishdan 1 mlrd 159,6 mln kVt⋅soat quyosh elektr stansiyalariga, yana 1 mlrd 208,6 mln kVt⋅soat esa shamol stansiyalariga to‘g‘ri keldi. Taqqoslash uchun, 2025 yil birinchi choragida umumiy generatsiya 1 mlrd 690,1 mln kVt⋅soatni tashkil etgan bo‘lib, shundan 971,8 mln kVt⋅soat quyosh va 718,4 mln kVt⋅soat shamol energiyasi hissasiga to‘g‘ri kelgan.

“Yashil” energiya ishlab chiqarish hajmining oshishi sezilarli iqtisodiy va ekologik samara berdi. Xususan, 631 mln kub metr tabiiy gaz tejab qolindi, shuningdek atmosferaga taxminan 1,3 mln tonna zararli moddalar chiqarilishining oldi olindi.

Ishlab chiqarilgan elektr energiyasi hajmi taxminan 3,9 mln xonadonning uch oylik isteʼmoliga yoki qariyb 986 ming xonadonning bir yillik isteʼmoliga teng.