O‘zbekiston 4 ming kilometr magistral yo‘llarni zamonaviy “avtoban”larga aylantirishni rejalashtirmoqda

Toshkent, O‘zbekiston (UzDaily.uz) — O‘zbekiston hukumati 2026–2030 yillarga mo‘ljallangan umumiy foydalanishdagi avtomobil yo‘llarini qurish va rekonstruksiya qilish dasturi doirasida mamlakatning magistral avtomobil yo‘llarini keng ko‘lamli modernizatsiya qilishni rejalashtirmoqda.

Loyihani amalga oshirish jarayonida taxminan 4 ming kilometr avtomobil trassalari xalqaro standartlarga javob beradigan to‘laqonli “avtoban”larga aylantiriladi.

Modernizatsiyaning asosiy yo‘nalishlari sifatida Andijon bilan Qo‘ng‘irotni, Toshkent bilan Termizni, Samarqand bilan Shahrisabzni, Olot bilan Sariosiyoni bog‘laydigan uzunligi 4 ming km magistral yo‘llar xalqaro talablarga mos “avtoban”larga aylantiriladi.

Ushbu yo‘llarni yuqori darajadagi avtomagistrallarga aylantirish hududlarning transport jihatdan ochiqligini oshirish, logistika oqimlarini tezlashtirish hamda mamlakatning ichki va tashqi transport infratuzilmasini mustahkamlashga qaratilgan.

Loyihani moliyalashtirish davlat byudjeti mablag‘lari hamda xalqaro moliyaviy institutlar resurslari hisobidan amalga oshiriladi.