Oʻzbekiston va Tojikiston oʻrtasidagi strategik sheriklik natijalari va 2026-yilga moʻljallangan hamkorlikning ustuvor yoʻnalishlarini muhokama qilishdi

Toshkent, O‘zbekiston (UzDaily.uz) — Oʻzbekiston Respublikasi Tashqi ishlar vaziri Baxtiyor Saidov Tojikiston Respublikasining Oʻzbekistondagi Favqulodda va Muxtor elchisi Nasriddin Ismatullo bilan uchrashdi.

Muzokaralar davomida tomonlar 2025-yilda Oʻzbekiston-Tojikiston strategik sherikligi va ittifoqchiligini rivojlantirishning asosiy yutuqlarini batafsil tahlil qilib, barcha sohalardagi oʻzaro aloqalarning barqaror ijobiy dinamikasini taʼkidladilar.

Kelgusi davr uchun hamkorlik kun tartibini ishlab chiqishga, jumladan, yuqori darajadagi aloqalar, qoʻshma loyihalarni amalga oshirish va ikki mamlakat oʻrtasidagi yaxshi qoʻshnichilik va oʻzaro manfaatli munosabatlarni yanada mustahkamlashga alohida eʼtibor qaratildi.