Davlat banklari moliya sektoridagi ustunligini saqlab qolmoqda

Toshkent, O‘zbekiston (UzDaily.uz) — Markaziy bank 2025 yil 1 oktyabr holatiga ko‘ra bank sektori to‘g‘risidagi maʼlumotlarni eʼlon qildi. Ushbu ko‘rsatkichlar asosida mamlakatdagi tijorat banklarining asosiy moliyaviy natijalari barqaror o‘sishini namoyon etmoqda.

Markaziy bank maʼlumotlariga ko‘ra, 2025 yil 1 oktyabr holatiga O‘zbekistondagi tijorat banklarining jami aktivlari 866,8 trln so‘mni tashkil etdi, bu o‘tgan yilga nisbatan 17 foizga ko‘pdir.

Kredit portfeli 582,2 trln so‘mga yetdi (+13%), jami kapital 130,4 trln so‘mni tashkil etdi (+19%), depozitlar hajmi esa 371,5 trln so‘mga yetdi, bu esa o‘tgan yil boshiga nisbatan 29 foizga ko‘pdir.

Davlat ulushiga ega banklar moliya bozoridagi yetakchi pozitsiyalarini saqlab qolmoqda — ular hissasi tijorat banklari umumiy aktivlarining 65 foizini, kredit portfelining 68 foizini, kapitalning 61 foizini va depozitlarning 52 foizini tashkil etadi.

Davlat banklari orasida aktivlar hajmi bo‘yicha yetakchi o‘rinda “O‘zmilliybank” turibdi — 145,2 trln so‘m, bu barcha tijorat banklari aktivlarining 17 foiziga teng.

Ikkinchi o‘rinda — “Agrobank” (100,99 trln so‘m yoki 12%), uchinchi o‘rinda — “O‘zsanoatqurilishbank” (95,21 trln so‘m yoki 11%).

Kreditlar hajmi bo‘yicha ham yetakchilikni “O‘zmilliybank” saqlab qolmoqda — 104,82 trln so‘m, bu umumiy kredit portfelining 18 foizini tashkil etadi. Uning ortidan “Agrobank” (77,03 trln so‘m yoki 13%) va “O‘zsanoatqurilishbank” (66,6 trln so‘m yoki 11%) keladi.

Kapital hajmi bo‘yicha eng katta ko‘rsatkich ham “O‘zmilliybank”da — 19,4 trln so‘m (15%), keyingi o‘rinlarda “Agrobank” — 13,71 trln so‘m (11%) va “O‘zsanoatqurilishbank” — 11,4 trln so‘m (9%).

Jismoniy va yuridik shaxslar depozitlari bo‘yicha ham yetakchi “O‘zmilliybank” hisoblanadi — 49,23 trln so‘m (13%), keyin “Agrobank” — 28,9 trln so‘m (8%) va “O‘zsanoatqurilishbank” — 26,9 trln so‘m (7%).

Xususiy banklar orasida aktivlar bo‘yicha eng kattasi «Kapital bank» bo‘lib, uning aktivlari 51,81 trln so‘mni (umumiy bozorning 6 foizi) tashkil etadi. Keyingi o‘rinlarda «Ipoteka bank» — 50,7 trln so‘m (6%) va “Hamkorbank” — 32,5 trln so‘m (4%) joylashgan.

Kredit portfeli bo‘yicha esa «Ipoteka bank» yetakchi — 34,98 trln so‘m (umumiy hajmning 6%), undan keyin «Kapital bank» — 34,74 trln so‘m (6%) va “Hamkorbank” — 22,36 trln so‘m (4%).

Kapital hajmi bo‘yicha xususiy banklar orasida birinchi o‘rinda «Ipoteka bank» — 7,43 trln so‘m (6%), keyin «Kapital bank» — 6,38 trln so‘m (5%) va “Hamkorbank” — 6,26 trln so‘m (5%).

Depozitlar bo‘yicha ham «Kapital bank» yetakchi — 39,66 trln so‘m (11%), keyingi o‘rinlarda «Ipoteka bank» — 25,08 trln so‘m (7%) va “Hamkorbank” — 13,43 trln so‘m (4%).

Reytingning past qismida kichik banklar joylashgan. Ular qatorida «Poytaxt bank» (0,52 trln so‘m aktivlar, 0,06%), «Yangi bank» (0,59 trln so‘m, 0,07%), «Saderat bank» (0,60 trln so‘m, 0,07%), «Madad Invest bank» (0,88 trln so‘m, 0,10%) va «AVO bank» (1,02 trln so‘m, 0,12%) kabi moliya muassasalari mavjud.