Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov Gruziya Bosh vaziri Irakliy Kobaxidze bilan uchrashdi.

Suhbat chog‘ida TIV rahbari O‘zbekiston Respublikasi Prezidenti Shavkat Mirziyoyev nomidan samimiy tabrik va ezgu tilaklarni yetkazdi.

Saidov O‘zbekiston bilan Gruziya o‘rtasidagi munosabatlar so‘nggi yillarda misli ko‘rilmagan dinamika va o‘zaro ishonchning yuqori darajasi bilan ajralib turganini alohida ta’kidladi.

Oliy va yuqori darajadagi muntazam aloqalar, qo‘shma tashabbuslarni amalga oshirish va hamkorlikning yangi formatlarini faol izlash istagi tufayli ikki davlat o‘rtasidagi hamkorlik sifat jihatidan yangi bosqichga ko‘tarilganini ta’kidladi.

"Yaqin kelajakdagi kun tartibimiz aniq maqsadlarga yo‘naltirilgan va katta istiqbollarni o‘zida mujassam etgan. Kelgusi yillarda bu ijobiy dinamikani yanada mustahkamlab boramiz.", - dedi Oʻzbekiston TIV rahbari.