“Anor bank“ xalqaro reyting prognozining pasayishi fonida foydasini 135% ga oshirdi

Toshkent, O‘zbekiston (UzDaily.uz) — 2025-yilning 9 oy yakunlariga ko‘ra, “Anor bank“ning sof foydasi 235,9 mlrd so‘mni tashkil etdi . Bu ko‘rsatkich 2024-yilning mos davridagi 100,6 mlrd so‘mga nisbatan 134,6% ko‘pdir.

O‘sishning asosiy omili bankning foizli daromadlarining sezilarli oshishi bo‘ldi — ular 1,0 trlndan deyarli 2,3 trln so‘mgacha oshdi (+120,9% y/y). Kredit portfeli sentabr oyi boshida o'tgan yilning 5,9 trln so'miga qarshi 8,8 trln so‘mga yetdi. Shu bilan birga, muammoli kreditlar ulushi (NPL) 2,5% dan 4,3% gacha ko'paydi.

Sentabr oyi oxirida “Fitch Ratings“ bankning xorijiy va milliy valyutadagi uzoq muddatli defolt reytinglari (IDR) bo‘yicha prognozni “Barqaror”dan “Salbiy” darajaga ko'rib chiqdi.

Shu bilan birga, IDR reytinglari “B-” darajasida tasdiqlandi — bu spekulyativ toifadagi pastki pog‘onaga to‘g‘ri keladi va ehtimoliy defoltni anglatadigan “CCC+” reytingidan bir pog‘ona yuqoriroqdir.