Adliya vazirligi va KOICA raqamlashtirish va intellektual mulk islohotini muhokama qilishdi

Toshkent, O‘zbekiston (UzDaily.uz) — Adliya vazirligi hamda Koreya xalqaro hamkorlik agentligi (KOICA) o‘rtasida amalga oshirilayotgan “O‘zbekistonda intellektual mulk sohasida davlat boshqaruvi tizimini takomillashtirish” loyihasi doirasida amaliy va ishchi uchrashuvlar haftaligi o‘z ishini boshladi.

Mazkur tadbirlar doirasida Adliya vaziri o‘rinbosari M. Ikramov hamda Koreya Intellektual mulk vazirligining Intellektual mulk sohasida axborot siyosati byurosi direktori Jo Xvan Jang o‘rtasida uchrashuv bo‘lib o‘tdi.

Uchrashuvda intellektual mulk sohasida davlat boshqaruvi tizimini takomillashtirish, raqamlashtirish jarayonlari, ilg‘or xorijiy tajribalarni joriy etish hamda o‘zaro hamkorlikni yanada mustahkamlash masalalari muhokama qilindi.