Toshkent, O‘zbekiston (UzDaily.uz) — 27 may, seshanba kuni Jizzax viloyatining Zomin tumanida bir qator mahallalarda qisqa muddatli, ammo kuchli yomg‘ir yog‘di va natijada sel kelishi kuzatildi. Bu haqda viloyat Favqulodda vaziyatlar boshqarmasi (FVB) xabar berdi.

Sel oqimi “Duoba” mahallasidagi avtoyo‘lni vaqtincha yopib qo‘ydi, uni qum va tosh qatlami bilan qopladi. FVB maʼlumotiga ko‘ra, o‘lim holatlari yoki turar joylar, ijtimoiy obyektlar va molxonalarda zarar aniqlanmagan.

Hozirda voqea joyida mexanizatsiyalashtirilgan texnika yordamida yo‘lni tozalash va tabiiy ofat oqibatlarini bartaraf etish ishlari olib borilmoqda.

Jizzax viloyati FVB fuqarolarni tog‘li va tog‘ etaklarida harakatlanish va dam olishda ehtiyotkorlik choralariga rioya qilishga chaqirdi.

O‘zgidromet maʼlumotiga ko‘ra, 28 maydan 2 iyungacha bo‘lgan davrda yomg‘ir yog‘ishi munosabati bilan O‘zbekistonning to‘qqizta hududida sel va toshqin xavfi mavjud. Ayrim joylarda yog‘ingarchilik natijasida suv to‘planishi va sug‘ ostida qolish holatlari yuzaga kelishi mumkin.