Zangiota tumanida Nexia 3 ishtirokida yo‘l-transport hodisasi sodir bo‘ldi

Toshkent, O‘zbekiston (UzDaily.uz) — Bugun, 13 oktyabr kuni soat taxminan 03:30 larda Toshkent viloyati Zangiota tumani hududidan o‘tuvchi mahalliy 10V029 yo‘l uchastkasida yo‘l-transport hodisasi ro‘y berdi.

Dastlabki maʼlumotlarga ko‘ra, 2005 yilda tug‘ilgan fuqaro I.S. boshqaruvidagi Nexia 3 avtomobili haydovchi tomonidan boshqaruvni yo‘qotishi natijasida yo‘lning o‘ng tomonidagi ariqqa tushib ketgan.

Hodisa natijasida haydovchi yengil tan jarohatlari olgan va tibbiy yordamga murojaat qilgan.

Hozirda voqea bo‘yicha Zangiota tuman YHXB tomonidan tekshiruv ishlari olib borilmoqda.