Zamin Education loyihasi doirasida O‘zbekistonda Milliy inklyuziv IT lageri bo‘lib o‘tdi

Toshkent, O‘zbekiston (UzDaily.uz) — Zamin Education loyihasi doirasida Milliy inklyuziv IT lageri gibrid formatda bo‘lib o‘tdi.

Besh kun davomida respublika hududlaridan kelgan 150 nafar maktab o‘quvchilari va talabalar sunʼiy intellektdan foydalanish, veb-sayt yaratish, 3D-modellashtirish, robototexnika va boshqa zamonaviy raqamli texnologiyalar sohasida amaliyot bilimlari oldilar.

Qo‘shimcha imkoniyat sifatida texnik tayyorgarlik darajasini oshirish uchun onlayn formatda o‘tkazilgan seminar va master-klasslarga 3 000 dan ortiq o‘quvchi ham qo‘shildi.

Lager davomida olingan bilim va amaliyot ko‘nikmalari ishtirokchilar uchun mustahkam kasbiy asos bo‘lib xizmat qiladi, ularning o‘zini ro‘yobga chiqarish imkoniyatlarini kengaytiradi hamda axborot texnologiyalari sohasida muvaffaqiyatli karyera uchun yangi perspektivalarni ochadi.