Toshkent, O‘zbekiston (UzDaily.uz) — 2025 yil yanvar–may oylari davomida O‘zbekistonga 1 million 562,2 ming dona mobil telefon olib kirildi. Umumiy import qiymati 159 million AQSH dollarini tashkil etdi. Bu haqda Milliy statistika qo‘mitasi maʼlum qildi.

O‘tgan yilning mos davriga nisbatan import hajmi 37,8 ming donaga ko‘paydi, bu esa 2,5 foizlik o‘sishga teng.

Hisobot davrida mobil telefonlarning eng ko‘p hajmi quyidagi davlatlardan yetkazib berilgan:

Xitoy — 1 million 193,9 ming dona,

Vyetnam — 304,5 ming dona,

BAA — 47,3 ming dona,

Hindiston — 15,6 ming dona.

Boshqa davlatlardan esa taxminan 900 dona telefon olib kirilgan.