Toshkent, O‘zbekiston (UzDaily.uz) — “Yangi O‘zbekiston” bog‘i hududida yer osti yo‘l o‘tkazgichi qurilishi munosabati bilan 2024 yil 9 iyul soat 07:00 dan 9 avgustga qadar Toshkent viloyati tomonidan bog‘qa tutash Yangi O‘zbekiston ko‘chasining maʼlum qismida avtotransport harakati vaqtincha cheklanadi. Bu haqda Toshkent shahar Mirzo Ulug‘bek tumani hokimligi matbuot xizmati xabar berdi.

Cheklovlar davrida harakat yo‘nalishi vaqtincha o‘zgartiriladi — “Yangi O‘zbekiston” bog‘i chegarasi bo‘ylab o‘tuvchi yo‘l orqali “Milliy bog‘” ko‘chasiga chiqish orqali harakat tashkil etiladi.

Hokimiyat haydovchilardan harakat rejalarini tuzishda mazkur o‘zgarishlarni inobatga olishlarini va vaqtinchalik harakat sxemalariga amal qilishlarini so‘raydi.