Xitoyda sifat nazorati va metrologiya bo'yicha o'zbek va xitoylik mutaxassislarning uchrashuvi bo'lib o'tdi

Toshkent, O‘zbekiston (UzDaily.uz) — Xitoy Xalq Respublikasida “O‘zbek ilmiy sinov va sifat nazorati markazi” davlat muassasasi hamda Henan Metrologiya, Sertifikatlash, Inspeksiya va Sinov Assotsiatsiyasi, shuningdek, “United Testing Inspection & Certification Technology Co., Ltd” korxonasi o‘rtasida investitsion hamkorlikka doir uchrashuv bo‘lib o‘tdi.

Muzokaralar doirasida tomonlar o‘zaro hamkorlikni rivojlantirish, sinov va sertifikatlash sohasida tajriba almashish masalalarini muhokama qildi.

Uchrashuv yakunida tomonlar o‘rtasida Investitsiya kelishuvi imzolandi. Ushbu kelishuv ilmiy sinovlar, sifat nazorati va sertifikatlash yo‘nalishlarida qo‘shma loyihalarni amalga oshirishga qaratilgan.