Xitoy O‘zbekiston bilan siyosiy ishonch va hamkorlikni chuqurlashtirishga tayyor — Si Szinpin

Toshkent, O‘zbekiston (UzDaily.uz) — Xitoy Xalq Respublikasi Raisi Si Szinpin mamlakat mustaqilligining 34 yilligi munosabati bilan Prezident Shavkat Mirziyoyevga yo‘llagan tabriknomasida Xitoyning siyosiy o‘zaro ishonch va har tomonlama strategik sheriklikni yana-da chuqurlashtirishga tayyor ekanini bildirdi.

XXR rahbari Mirziyoyev boshchiligida O‘zbekiston iqtisodiyotining jadal rivojlanayotgani va aholi turmush darajasi o‘sib borayotganini qayd etib, mamlakat barqaror ravishda «Yangi O‘zbekiston» barpo etish strategik maqsadiga intalayotganini taʼkidladi. Si Szinpin Xitoy tomoni do‘st qo‘shnisining yutuqlaridan chin dildan mamnunlik bilan xursand bo‘lishini va O‘zbekistonni yangi davrda har tomonlama strategik sherik sifatida ko‘rayotganini bildirdi.

Xitoy rahbari 2025 yil iyun oyida Ostonada bo‘lib o‘tgan uchrashuvni esga oldi, unda ikki mamlakat o‘zaro hamkorlikni rivojlantirish bo‘yicha muhim kelishuvlarga erishib, munosabatlarni mustahkamlashning yangi rejasini maʼqullagan edi. Si Szinpin Xitoyning O‘zbekiston bilan birgalikda siyosiy ishonchni chuqurlashtirishga, bir-birini qo‘llab-quvvatlashga, rivojlanish strategiyalarini uyg‘unlashtirishga hamda «Bir makon, bir yo‘l» tashabbusini yuqori sifatli qurilishini ilgari surishga tayyor ekanini tasdiqladi.

So‘zining yakunida Si Szinpin O‘zbekistonga qudrat va ravnaq, uning xalqiga esa baxt va farovonlik tiladi.