Xalqaro madaniy muloqot: O'zbekiston va Avstriya hamkorlikni mustahkamlamoqda

Toshkent, O‘zbekiston (UzDaily.uz) — Vena shahrida O‘zbekiston madaniyat va san’atni rivojlantirish jamg‘armasi raisi Gayane Umerovaning Avstriya Federal kanslerining xalqaro masalalar bo‘yicha maslahatchisi Peter Launski-Tiffental bilan uchrashuvi boʻlib oʻtdi.

Tomonlar ikki tomonlama hamkorlikni rivojlantirish istiqbollarini, jumladan, madaniyat sohasidagi hamkorlik, muassasaviy aloqalarni kengaytirish va xalqaro muloqotni mustahkamlash, shuningdek, musiqa sohasidagi loyihalarni, jumladan, 2027-yildan boshlab Zalsburg festivalida Alisher Navoiy nomidagi Davlat akademik katta teatrining doimiy ishtirokini, Albertina va Veltmuzeum bilan muzey loyihalarini amalga oshirish masalalarini muhokama qildilar.