Velosport: O‘zbekiston terma jamoasi Osiyo chempionatida navbatdagi medalni qo‘lga kiritdi

Toshkent, O‘zbekiston (UzDaily.uz) — Saudiya Arabistonida o‘tayotgan shossey velosport bo‘yicha Osiyo chempionatida O‘zbekiston terma jamoasi o‘z medallar jamg‘armasini yana bir mukofot bilan to‘ldirdi.

Ayollar o‘rtasidagi guruh poygada kumush medalni Nafosat Qoziyeva qo‘lga kiritdi. 109,2 kilometr masofada o‘zbekistonlik sportchi ikkinchi bo‘lib marraga yetib keldi va yuqori darajadagi jismoniy tayyorgarlik hamda taktik kurashni namoyon etdi.

Sovrinli o‘rinlarga juda yaqin bo‘lgan yana bir O‘zbekiston vakili Yanina Kuskova to‘rtinchi o‘rinni egalladi.

Milliy terma jamoaning ushbu natijalari o‘zbek velosportining xalqaro maydonda raqobatbardoshligi barqaror oshib borayotganini tasdiqlaydi.